Үг.П.Сандуйжав Ая. Г.Бодь-Эрдэнэ
Бүрэн нутаг сайхан аа
Нарлаг талдаа тариа халиураад
Найгах ойдоо жимс алаглаад
Нарлаг энгэрт сүрэг багшраад
Нарыг тосоод налайж байгаа
Орхон Сэлэнгийн тэнүүн бэлчир
Одтой монголын гэрэлт хойморь
Зүрхэнд ойрхон, зүүдэнд тодхон
Зүүнбүрэн минь даан ч сайхан аа
Номч мэргэн Эрдэнэ вангийн нутаг
Ноён уул Норовбанзадын тахилгатай
Уст Сэлэнгэдээ Орхон цутгах шиг
Улс Монголдоо хөгжлөө нэмээд
Орхон Сэлэнгийн тэнүүн бэлчир
Одтой монголын гэрэлт хойморь
Зүрхэнд ойрхон, зүүдэнд тодхон
Зүүнбүрэн минь даан ч сайхан аа
Ялсан хувьсгалын уриа дуудлага
Яруу тодоор цуурайтаж байсан
Дэмбэрэл баатрын төрсөн өлгий
Дэлгэр түмэндээ алдраа дуурсгаад
Орхон Сэлэнгийн тэнүүн бэлчир
Одтой монголын гэрэлт хойморь
Зүрхэнд ойрхон, зүүдэнд тодхон
Зүүнбүрэн минь даан ч сайхан аа